6th District Congresswoman Mercedes Alvarez ang naga laum nga antes mag takop ang tuig mangin operational na ukon bisan makasugod naman lang function ang Negros Island Region.
Karon nga nalagdaan na ni Presidente Ferdinand Marcos, Jr., ang Negros Island Region gina paabot ang pag publish sang amo nga laye sa official gazette ukon sa newspaper of general circulation. 15 diyas pagkaligad sang amo nga publication suno kay Alvarez mangin effective na ang laye.
Pagkatapos naman sini ang technical working group ang iga convene base sa laye. Ini ang paga tapuan sang DILG, NEDA, DBM, mga gobernador sang tatlo ka probinsya kag mga representatives sang mga legislative districts suno kay Alvarez para mag plastar sang road map sang bag-o nga rehiyon.
Wala nakasaad, pero sa masami ang lead agency ukon ang DILG ang maga draft sang Implementing Rules and Regulation suno kay Alvarez, kag dapat matigayon ini sa sulod sang 60 ka adlaw.
“Well we’re hoping before the end of the year it will be operational pero it won’t be full blown operational. Mga temporary offices lang na guro anay tanan ang ma put up. Ako, personally I’m going to lobby for that nga i-include na sa IRR nga the departments involved will also be allowed to put up satellite offices in areas where they are most needed”, suno kay Alvarez.