League of Cities of the Philippines kag Visayan Bloc ang nagpabutyag sang suporta kay Presidente Ferdinand Marcos, Jr.
Ang statement of support sang grupo ang gin pa gwa kasunod sang mga ginahaboy nga pahayag batuk sa presidente.
Sa statement sang LCP, ila ginsiling nga sila ang nagasuporta sa liderato ni Marcos bilang elected president sang Pilipinas.
Sila ang nagasuporta sa commitment sini sa pag empower sang mga LGU angut sa pagduso sang public infrastructure, education, kag health services, samtang gina pasiguro ang transparency and accountability sa public governance.
Gin siling naman ni Bacolod Congressman Albee Benitez nga mayorya ukon 45 ka katapo sang Visayan Bloc ang naglagda sang pahayag sang suporta.
Paathag ni Benitez nga naga pamuno sang Visayan Bloc, si PBBM lamang ang presidente sa maragtas sang pungsod nga nag pausisa sang iya mga kaupod sa administrasyon kag kaalyado.
Nagapakita lamang ini nga sinsero ang presidente sa away kontra korapsyon.
Suno kay Benitez wala man siya sang ihibalo kun tuod ukon indi ang mga ginbuy-an ni Senador Imee Marcos batuk sa iya nga utod.
Pero isa sa mga palamangkutanon diri kun ano ang tinutuyo sang mga ginbuy-an nga pahayag sang Senadora labig na ang pamaagi kun paano ginbuhat ini.
Sa anti-corruption rally sang Iglesia ni Cristo gin-alegar ni Imee nga ang presidente kag si First Lady Liza Marcos ang naga gamit sang iligal nga droga.”