Ginsiling ni Bacolod City Lone District Representative Alfredo Abelardo Benitez nga ginapaabot na nga mapasa sa Senado kag sa House of the Representatives sini nga Setyembre ang pag postpone sang Barangay and Sanguniang Kabataan Election sini nga tuig.
Kun hinali nga magsugod na man ang filing of candidacy sa September 28, wala man ini sang epekto kun mapasa ang layi suno sa iya.
Wala man sang major difference ang mga laye nga ginapasa sa Senado kag House of Representatives may angut sa pagpaiway sang BSKE, kag posible nga indi na ini maglabay pa sa Bicameral.
Pabor man si Benitez nga i-fix na sa 5 years ang kada termino sang mga Barangay Officials kag duha nalang ka termino ang limit sa ila.
Suno sa iya, masami nga wala nagakatapos ang mga programa kag plano sang mga barangay officials bangud tuman ka lip-ot sang tatlo ka tuig nga termino.
Barangay man ang suno sa iya frontliners sa tanan nga mga program, rason nga husto lamang ang paghatag sa ila sang mas malawig nga tion.
Panawagan man sini sa publiko, i-reklamo sa Ombudsman ukon City Council ang mga pasaway nga mga punong Barangay agud mahatagan sang nagakaigo sang aksyon.
[sibwp_form id=1]