Nagapati si Bacolod Representative Alfredo Abelardo Benitez nga indi mangin madinalag-on ang impeachment complaint nga gin-file batuk kay Presidente Ferdinand Marcos, Jr.
Wala ya pa man nakita ang complaint nga na-file, pero iya ginsiling nga indi na ini mangin madinalag-on.
Ang presidente pa gani suno sa iya ang nag-expose tubtob sa national level sang corruption issues labi na ang sa flood control projects.
Mataas na ang awarenes sang mga pumuluyo sa karon dugang pa niya.
Ano pa gid suno sa iya ang maayo nga kaayuhan nga madulot sang impeachment sa pungsod.
Para naman kay 3rd District Representative Javier Miguel Benitez iya lantawon ang mga merits sang impeachment complaint nga gin-file.
Sadto anay natabo naman ini sa mga anay presidente sang pungsod.
Ang impeachment suno sa iya dapat lantawon kun ano ang gusto sang mga tawo kag majority sang mga congressmen.
Sang Martes, ang first verified impeachment complaint batuk kay Presidente Marcos nga gin-file sang abogado nga si Andre de Jesus sang Lunes ang pormal nga gin transmit sa Office of the House Speaker.
Sang Hwebes may duha ka mga grupo ang nag attempt nga separado mag-file sang ika duha kag ikatlo nga impeachment complaint batuk sa presidente kun sa diin gina reklamo siya nga nag benepisyo sa mga bogus flood control projects.
Ugaling wala ini na baton bangud si House Secretary General Cheloy Garafil ang wala para personal nga mag baton sini.*