Isa ka tuig nga bata nga lalaki ang pinaka ulihi nga gin-report nag positibo sa pertussis sa Negros Occidental. Nagdangat na sa karon sa 14 ang confirmed pertussis cases sa probinsya.
Sa May 6 nga report sang Provincial Health Office sa 64 ka pertussis related cases sa Negros Occidental, 14 ang confirmed kun sa diin isa diri ang damlag pa napatay.
33 naman sa 64 ka pertussis related cases ang may negative result kag 17 naman ang probable ukon padayon nga naga hulat sang laboratory test result.
Suno kay Dr Girlie Pinong, ang Provincial Health Officer, 20 sa 31 ka mga LGU ang may yara sang at least one pertussis related case. Samtang, padayon pa ang pag process para sa pagbakal sang probinsya sang 10,000 doses sang bakuna para sa DPT.