
Governor Eugenio Jose Lacson ang nagahaylo sa mga barangay nga nakabaton sang pondo sa idalom sang Barangay Development Program nga iduso ang pag padasig sang proyekto kasubong man mag comply sa liquidation.
Sa report sang DILG sa Provincial Peace and Order Council, sang 2022, may 70 ka mga barangay sa 18 ka mga LGU ang nakabaton sang pondo para sa 77 ka mga projects. Ini sila nga mga LGU ang gindeklara nga insurgency free damlag pa.
Sa report sang DILG, 29 diri ang mga proyekto nga ongoing, 48 ang na kumpleto. Ang actual completion 86 percent sa kabilugan kag 74.55 percent naman ang liquidation rate. Namutikan nga may mga LGU nga tuman ka nubo sang completion rate kag liquidation rate. Sa report sang DILG sa apat ka mga proyekto sa mga barangay sa Kabankalan, 57 percent ang completion rate kag zero percent ang liquidation rate.
Sa Toboso naman sa pito ka mga proyekto, 56.95 percent ang completion rate kag 32.08 percent ang liquidation rate. Paathag ni Toboso Mayor Madonnah Jaojoco ang delay sa proyekto tuga sang epekto sang malain nga panahon. Ila na nga hayluhon ang pagpadasig sini lakip na ang liquidation. Wala na sang extension sa compliance suno sa DILG.Sa 2022 projects ang deadline para sa completion kag liquidation suno sa DILG, December 2023.
Suno kay Lacson kanugon kun indi matigayon bangud magabalik ang pondo sa national government.
Samtang, ang banwa sang Hinigaran, Cauayan, Escalante kag La Carlota City kag La Castellana ang may 100 percent completion kag liquidation compliance.