Common Use Facility para sa magagmay nga agricultural kag non-agricultural producers sa Cadiz City ang gina plano nga ipatukod.
Ini suno kay Mayor Salvador Escalante, Jr., nga nagpamuno man sa blessing sang 6.5 million pesos nga bag-o gintukod nga LGU booth sa Panaad Park.
Ka dako sang dried fish industry sang Cadiz, kag tinutuyo sang siudad nga mabuligan ang mga magagmay nga negosyante paagi sa common use facility.
Isa ka building ang gina plano itukod sa tupad sang gina construct man nga sports complex para sa amo nga facility kun sa diin sarang mapatuman ang packaging kag labelling sang mga local products suno sa alkalde. May mga 70 ka associations kag organizations nga naga lakip sang local producers ang yara sa Cadiz suno kay Escalante.
‘Kada isa sina sa ila naga problema sa packaging, sanitation and everything. So kun mag isa isa sila indi kasarang ang iban. Kun bilugon, madala sila sang ila finished product, dira nila i-pack, dira nila i-vacuum seal, dira nila i-label, dira man nila i-ship-out, makabarato sila. It will be viable sa ila”, suno kay Escalante.
Sa pihak nga bahin sa naga padayon karon nga MassKara sa Panaad gina lauman nga mangin maayo ang sales sang Cadiz, nga humalin pa man sadto sa kada Panaad Festival sila ang naga top sa sale bangud sang ila nga produkto nga uga.
Sa sulod sang duha ka adlaw, may 100,000 gross sales nga na record ang Cadiz LGU booth.