Ginpakamalaut man ni Councilor Claudio Puentevella,pamuno sang Committee on Health and Sanitation ang ginhimu nga pagpangsasko sang mga pamatan on sa isa ka LGBTQ nga biker sa Bacolod.
Gani iya ginpatawag ang mga natungdan upod man sa pila ka mga departamento para sa italana nga committee conference in aid of legislation.
Sa nag viral nga video, makita ang pagkinadlaw sang 3 ka mga pamatan-on sang ila ginpainom kag ginbasyahan sang tubig nga halin sa sapa nga gina turugban sang carabao ang LGBTQ nga biker nga nag intra sa bike race sang Oktubre 2.
Indi luyag ni Puentevella nga masulit pa ang hitabo.
Ang tagreklamu kag ang responsable sa pagpang sasko ang natalana man maga atubangay sa Barangay Vista Alegre.