Commercial establishment liwat nga ginahaylo nga striktohon ang pag require sang vaccination cards.
May pandemic pa kag may nagaluntad nga pagsaka sang Covid-19 cases sa iban nga pungsod.
Gani para kay Dr. Edwin Miraflor, officer in charge sang City Health Office,indi dapat magkumpyansa ang tanan bisan pa napaidalom ang sa alert level 1 status ang Bacolod.
Sandig sa pagsulundan sang Inter Agency Task Force, pwede na ang full venue capacity para sa tanan nga commercial kag government establishment.
Pero dapat suno kay Miraflor nga mangin maid-id ang management sa pagpasiguro nga fully vaccinated ang mga nagasulod,ilabi na sa mga indoor establishment.
Nagapati ang opisyal sang Emergency Operations Center nga madiutay naman ang nagapabakuna kadungan sang paghuyang sang pagpatuman sang mga pagsulundan angut sa mimimum health protocol,isa na diri ang pag require sang vax card sang mga commercial establishment.