Sa magkadungan nga opening salvo sang Asenso Bacolod kag Grupo Progreso pareho nga wala na sunod ang social distancing base sa monitoring sang Commission on Elections.
Suno kay acting election officer Atty. Revo Sorbito, pareho nga may liability ang magtimbang nga grupo nga lunsay nakahibalo naman sang mga pagsulundan angut sa in-person campaigning.
Kun basehan ang guidelines sa Fair Elections Act, pareho man nga may mga local candidates nga nagasupak sa pagsulundan angut sa ginapanapik nga campaign materials.
Kalabanan oversized kag wala sa designated common poster areas.
Pangabay sang Comelec nga kuntani seryosohon sang mga kandidato ang ila ginpirmahan nga commitment para sa matawhay, patas kag tampad nga pinili-ay.