Voters’ registration ginpalawig sang Commission on Elections halin Oktubre onse tubtob 30.
Bwas na kuntani ang deadline para sa ginapatigayon nga Comelec voters’ registration.
Pero bangud sang tuman ka damo pa nga mga voter applicants nga nagapila sa mga registration areas sa pungsod, gin aprobahan man sang commission on elections ang hinyo sang Kongreso kag Senado nga palawigon ang voters registration halin Oktubre onse tubtob 30.
Kaina napaslawan nga makahingaw nga makaparehisro sa USLS si Mildred Puentevella amo nga nalipay man siya nga matagaan
Siya sang panahon para ma-update ang iya voters registration.
Para kay Comelec provincial election supervisor Atty. Fatima Aspan, dako man nga bulig para sa ila ang ginhatag nga extension, ilabi na nga madamo pa ang nagahingaw pa-rehistro.
May 1.8 milyon registered voters ang Negros Occidental lakip na ang siudad sang Bacolod sang 2019.
Pero ginatan-aw nga sarang pa nga magsaka ang kadamuon sang registered voters para sa natalana
nga 2022 national kag local elections. Ginalauman man sang Comelec nga sa pagpalawig sang voters’ registration mapaiway man ang pag-ginutok sa linya sang mga nagahingaw pa-rehistro sa gwa sang mga Comelec registration sites.