Karon nga nagsugod nga ang kampanya sa Barangay kag SK Elections, pahanumdom sang COMELEC sa mga kandidato nga dapat sundon ang guidelines sa kampanya.
Suno kay Provincial Elections Supervisor, Ian Lee Ananoria, dapat dumdumon man sang kandidato nga sarang ang COMELEC maka papanaog sang show cause order angut naman sa iligal nga campaign materials.
Kaina ginpatigayon ang provincial joint coordinating conference.
Suno kay Ananoria, nag abot na ang mga balota pero ini ang ila pa nga iga-verify para mapat-od kun kumpleto.
Patapos naman ang mga seminar sang mga 6,000 ka manunudlo nga mga serbe sa electoral board.
Sa bahin sang pulis gina pasiguro nila nga wala sang elemento nga maga pamentaha sa sitwasyon.
Prayoridad sa deployment suno kay Provincial Director Col Leo Pamittan ang mga barangay nga ginakabig red category.
Wala pa man sa karon sang may na monitor nga mga permit to campaign gikan sa rebelde suno sa Army.
Pahanumdom ni B/Gen Orlando Edralin, commander sang 303rd Brigade sa mga kandidato nga gilayon mag report kag indi gid mag hatag sa kasubong nga mga iligal nga hilikuton.