Sa December 12 liwat nga maga bukas ang Voter’s registration.
Suno kay Negros Occidental Elections Supervisor, Ian Lee Ananoria, gina paabot pa man nila ang Comelec resolution pero sila ang may advance information na. Tubtob sa January 31, 2023 ang registration period.
Sa October 30, 2023 natalana ang SK kag Barangay Elections. Bukas ang registration para sa tanan. Ang mga maga pa rehistro para sa SK ang dapat maga edad na kinse anyos sa Oktubre kinse ukon antes sini.
Suno kay Ananoria, nakahanda naman ang tanan nga election offices sa mga banwa kag siudad para sa resumption sang Voter’s Registration.
May mga satellite registration man nga patigayunon suno sa iya.
“Open for everybody. This is the beginning sang cycle of registration para sa October 30 nga Barangay Elections, SK. Also sa 2025 mid-term elections. Everybody can register from SK to regular voters,” suno kay Atty. Ananoria.