Si Provincial Elections Supervisor Ian Lee Ananoria sa karon ang concurrent nga maga pungko bilang Acting Election Officer sang Bacolod.
Nabakante ang position sa pagbiya ni anay Bacolod Election Officer, Atty Kathrina Trinio-Caña.
Sa iya nga pag courtesy visit kay Bacolod Mayor Greg Gasataya, Lunes sang aga, nalakip sa ila nga gintakalay ang pangabay sang COMELEC-Bacolod nga maka saylo sang opisina, labi na nga ang nahamtangan karon ang gina baha kun mag-ulan.
Luyag man nila nga mangin convenient ang talatapan para sa mga botante. Sa karon naga tutok sila sa preparasyon para sa November 2 nga Barangay kag SK Election.
May pending man nga hagna nga naga paisol sang piniliay suno kay Ananoria, tubtob nga wala sang layi nga maga patuman sini, padayon ang ila nga pagpahanda sa BSKE. September 28 natalana na ang filing sang certificates of candidacy.
Sa pihak nga bahin nagpungko naman bilang Election Officer sang San Carlos City si Cedric Michael Cid.
[sibwp_form id=1]