Tubtob nga wala sang laye nga mapasar, padayon ang pagpahanda sang Comelec para sa Barangay kag SK elections.
Suno kay Provincial Elections Supervisor, Ian Lee Ananoria, padayon pa ang pag pat-od sang listahan sang na aprobahan nga mga registered voters. Sa Agosto 25 ang last day sang filing para sa petition for inclusion kag sa Agosto 31 naman ang last day sa filing sang petition for exclusion.
Sa October 6 to 13 naman naka schedule ang filing sang Certificates of Candidacy.
Suno kay Ananoria, kasubong nga gin palayag sang pamuno sang Comelec, kun may postponement gid man sa piniliay mas maayo nga sa mas temprano.
Sa karon nasugdan na ang printing of ballots. Kun madayon ang pag paisol sang piniliay indi man ini mausik bangud nga manual ang botohay, gani sarang pa ini nga magamit sa masunod nga Barangay kag SK elections suno kay Ananoria.
Sa congressional committee level, na aprobahan ang postponement sang barangay kag SK elections sa December 2023.