Comelec office kag duha pa ka mga government agency ginatun-an nga masaylo sa ginaplano nga legislative building.
Ginatinguhaan na sang katapo sang Comelec – Bacolod nga masalbar pa ang mga nabasa nga mga dokumento kag office supply sang ginbaha ang ila opisina sang nagligad nga semana.
Si Election Officer Atty. Kathrina Trinio-Caña nagsugilanon na kay Mayor Albee Benitez para sa lugar nga pwede masayluhan sang Comelec sa siudad.
Suno kay City Administrator Pacifico Maghari, III, isa sa mga ginatun-an ang pag transfer sang Comelec Office sa igatukod nga legislative building sa likod sang Bacolod City Government Center.
Magluwas sa Comelec, mahimo man isaylo diri ang opisina sang Department of the Interior and Local Government halin sa daan nga city hall kag ang opisina sang Register of Deeds sa Hall of Justice.