Regional Election Director sang NIR ang nagpaathag nga ginapatutukan sa ila nga talatapan ang Negros Oriental rason nga didto nagpahamtang sila sang opisina bisan pa nga sa NIR law nakasaad nga ang regional office sang COMELEC na assign sa Negros Occidental.
Yara karon sa Negros Occidental si RED Lionel Marco Castillano sa pagbisita kag pagsapol man sa mga election officers sang Negros Occidental.
Iya ginsiling nga sandig sa en banc resolution ang pagpahamtang nila sang opisina sa Dumaguete City.
Indi man lipod suno sa iya ang sitwasyon sa Negros Oriental kag gin paidalom gani ini sa Comelec control sang nagligad nga piniliay.
Karon nga may palaabuton naman nga mid-term elections mas gina patutukan sa iya ang Negros Oriental.
Pero iya man gin siling nga may talatapan man sila nga ipahamtang sa Negros Occidental sa idalom ni Regional Elections Attorney Cindy Ballesteros.
Sarang ini nga mag baton sang regional concerns.
Samtang, mas mapalapit nga serbisyo sa mga pumuluyo ang tuyo sang COMELEC karon base sa ila nga mandato.
Ang Negros Occidental suno sa iya isa sa mga may mataas nga output bahin sa nagapadayon karon nga election registration.