
COMELEC-Negros Occidental kag COMELEC-NIR ang maga re-assess sa sitwasyon sang mga lugar sa probinsya kasunod sang pag kalakip sang lima ka mga banwa kag siudad sa areas of concern.
Suno kay Provincial Elections Supervisor, Ian Lee Ananoria, wala man siya sang opisyal nga kopya sang report nga naga categorize sang Calatarava, Cauayan kag Sipalay City bilang areas of concern sa orange category kag Isabela kag San Enrique naman sa Yellow Category.
Sa press briefing sang Biyernes, gin-present ni COMELEC Commissioner Aimee Ferolino nga amo man ang naga pamuno sang Committee on the Ban on Firearms and Security Concerns ang 17 ka ma lugar sa Western Visayas nga nagalakip sang lima gikan sa Negros Occidental sa listahan sang mga areas of concern.
Suno kay Ananoria kun may yara sang election related incident sa nagligad nga duha ka election, may yara sang intense political rivalry, posible nga pag gamit sang private armed groups ang pwede mag qualify sa isa ka lugar sa yellow category kag ang sa orange naman kombinasyon sang duha sa mga balasehan sa yellow category.
Damlag pa ginpahayag na sang local COMELEC nga yara sa green category ang mga lugar sa Negros Occidental pero kay nag gwa ang report, hatagan nila ini sang konsiderasyon suno kay Ananoria.
Wala sang may na monitor sa karon nga Private Armed Groups nga may tuyo mag disrupt sang election process suno sa iya.
May remnants na man lang sang rebeldeng NPA pero ini ang gina tutukan naman.
Wala pa sang may na monitor nga pag hinyo nila sa pulitiko sang permit to campaign pero suno kay Ananoria ini nga bagay ang wala nila gina tugutan.