Yara sa skeletal force sa karon and Commission on Elections.
Temporaryo naman nga gin kansela ang satellite registration tubtob sa Abril 4.
Suno kay Atty Kathrina Trinio Cana ang elections officer sang Bacolod City ini kasunod sang mando nga ginpatuman angut sa pagsaka liwat sang kaso sang COVID-19.
Padayon ang registration sa talatapan sang COMELEC Bacolod pero tigaylo nga 200 ang ma accomodate isa ka gatos na lang sa karon bangud nga yara man sa skletal force ukon 30 por siento lamang sa kadamuon sang personnel ang naga report.
Bukas ang talatapan sang COMELEC Lunes tubtob Hwebes kag sa Biyernes naman patigayunon ang disinfection.
Ginahaylo man ni Trinio Cana ang mga luyag mag pa registro nga mag apply nga daan via online.
Amat amat na nga nagadamo ang nagapa registro kag humalin Enero tubtob Marso 20 , may 6,079 na ang nag apply.