Commission on Elections ang nagpasalig nga sila ang magabayad sang honorarium sang 660 ka mga support staff nga nagserbe sa Barangay kag SK ELections sa Kabankalan City.
Sa Press Statement sang COMELEC, naka butang man nga sila ang nagapatuman na sang pag pangusisa sa amo nga insidente.
Damlag pa nag pa gwa sang pahayag si Kabankalan City Mayor Benjie Miranda nga ang COMELEC – Kabankalan ang nag hinyo sang bulig sa iya nga talatapan para mabayaran ang honorarium sang 660 ka mga nag serbe bilang support staff.
Iya ginsiling nga gin-ako man sang COMELEC Officer sang siudad nga isa ka honest mistake sa bahin sini ang pag hire sa ila.
Nagdangat sa 3.7 million pesos ang kabilugan nga balayran sa ila nga honorarium. Indi man ini mabayaran sang siudad suno kay Miranda kag indi man iya ini obligasyon kag wala man sang may naka allocate nga budget para diri.
Bayaran sang COMELEC ang honorarium sang mga natungdan sa tag 5,500 pesos. Gina-usisa naman sang COMELEC para mapat-od kun sino ang may administrative and/or criminal liability sa mga field officers sini.