Contingency planning angut sa pag panghangkat nga gina dala sang sitwasyon sang Kanlaon sa gina paabot nga eleksyon ang gina tutukan karon sang Commission on Elections.
Nadayon ang pag convene sang PJSCC ukon Provincial Joint Security Control Center sadtong Disyembre 12 suno kay Provincial COMELEC Supervisor, Ian Lee Ananoria.
Wala sang may na-identify, sa amo nga pagsinapol nga areas of concern ukon makabig nga hot spot.
Halos tanan suno kay Ananoria ang “green areas” ukon wala sang may nakita nga problema ukon cause of concern.
Magluwas sa tiglawas sang PNP, Army, Philippine Coast Guard, yadto man ang tanan nga election officers sa PJSCC meeting kasubong man ang COMELEC Regional Director nga si Atty Lionel Marco Castillano.
Tigaylo, sa pag lupok liwat sang bulkan Kanlaon, suno kay Ananoria gina patutukan sa ila ang contingency planning.
Iya gin paathag nga sa tunga sang pag panghangkat sang sitwasyon sang Kanlaon ang mga eskwelahan nga maga serbe nga voting centers sa tion sang eleksyon amo man nga daan ang gina gamit evacuation center.
Wala labot sini kun may evacuation apektado man ang mga bumuluto bangud sila ang na displace.
Naga pakig-angut ang COMELEC sa Philippine Institute of Volcanology ang Seismology para sila ang ma giyahan man sa ila nga mga tikang.
Dugang pa ni Ananoria, indi lamang mga lugar sa Negros Occidental kundi pati man sa Negros Oriental ang sakop sa danger zone sang Kanlaon.
“Per istorya namon sa PDRRMO kag PHIVOLCS basi ang lahar might be a persisting problem kag usaron ang schools as evacuation sites. We will have to find alternative voting centers. Everybody will be displaced depende sa eruption. Isa na sa mga main nga concern sang election director”, suno kay Ananoria.