22 na lamang ka adlaw ang Register Anywhere Program sang Commission on Elections sa SM City Bacolod.
Suno kay Comelec – Bacolod Elections Officer, Kathrina Trinio- Cana, tubtob na lamang ang Register anywhere Program ukon RAP sa katapusan sang bulan.
Ang RAP isa ka higayon para sa yadtong mga naga trabaho ukon naga eskwela sa Bacolod pero naga puyo sa iban nga banwa ukon siudad.
Ang RAP para sa naga tuyo mag parehistro bilang botante sang banwa ukon siudad sa gwa sang Bacolod pero wala na sang tiempo nga mag pauli ukon mag padulong sa talatapan sang COMELEC sa ila nga lugar.
Suno kay Trinio Cana sa bulan sang Hulyo may 57 ka application sila nabaton sa idalom sang Rap kag sa kabilugan humalin Pebrero 12, ang RAP applications nagdangat sa 126.
Ginklaro man sang COMELEC nga wala sang RAP sa SM City – Bacolod sa August 8 kag 9 kag tigaylo yara ini sa COMELEC.
Samtang, naga abiso naman ang COMELEC – Bacolod nga may yara sang mall registration nga naka schedule August 12 tubtob 17 sa Robinsons Place gani wala sang registration sa amo nga mga inadlaw sa talatapan sang COMELEC – Bacolod.