Provincial Elections Supervisor ang naga haylo sa publiko nga mag pa rehistro samtang may tion pa karon nga holidays.
Sa una lamang nga mga duha ka adlaw may mga nagpila sa mga election offices sa nagkalain-lain nga mga banwa kag siudad sa probinsya.
Sa masunod nga mga inadlaw namutikan na sang Comelec nga nag diutay na ang naga pa rehistro.
Suno kay Atty Ian Lee Ananoria ang Provincial Elections Supervisor, may yara sang mga naga pila nga tig duha ukon tatlo na lamang. May yara gani nga wala na gid sang may nag pila nga mag pa rehistro.
“Subong gina check ko kag gina monitor, pero diutay gid naga pa register. Most likely ma pick up ta guro January”, suno kay Ananoria.
Dugang pa niya, indi pa man nila mapat-od kun bala tungod sang holidays gid man kun ngaa wala nag hatag sang tiempo ang mga wala pa maka pa rehistro.
Mas maayo suno sa iya nga karon nga ligwa kag naga pinauli sa ila tagsa ka mga banwa kag siudad ang mga pumuluyo mag pa rehistro na.
“Kun pwede, ma find time sila. Kay kun January basi madinungan naman tanan kag indi na ma accomodate”, suno kay Ananoria.
Disyembre 12 nagsugod sang voter’s registration kag tubtob ini sa Enero 31, 2023.