Commission on Elections ang nagapahanumdom sa mga winners kag non-winners sini nga eleksyon nga may yara sila sang tubtob sa Mayo 17 nga mag pangkakas sang ila nga mga political kag campaign materials.
Sa Bacolod City ini ang ginsugdan na sang pila ka mga nag padalagan.
Suno kay Assistant Regional Elections Director, Atty Jossil Macute, lima ka adlaw humalin sang eleksyon sang Mayo 12 dapat nga makakas ang mga political kag campaign materials.
Istrikto sila nga maga monitor sa mga public places kaangay sa mga common poster areas.
Kun indi man makakas sang natungdan, suno kay Macute sarang ini makakas sang COMELEC ukon sang LGU sa gasto sang natungdan naman nga kandidato.
“Medyo maging strict po kami dun sa mga public places. Kasi nga kung private wala kaming control kung ano ang ilagay nila. Wala din po kaming control kung anong tatanggalin sa private places. But dun po sa public places, particular sa common poster areas natin they have until May 17 to remove their campaign materials na nilagay nila dun sa mga lugar. Pag hindi po matanggal, tatanggalin siya ng COMELEC and the LGU, and they will be billed. Kasi ang sabi dun it will be removed at the expense of the candidate concerned”, suno kay Macute.
Wala labot sini gina pahanumdom man sang COMELEC ang tana nga mag file sang ila nga Statement of Contribution and Expenditures.
Sa Hunyo 11 and deadline sa filing sang SOCE.
Samtang, karon nga nahuman na ang piniliay masunod nga gina paabot ang pagbayad sang mga honorarium sang mga manunudlo nga nagserbe bilang electoral board.