Naga pangabay ang Commission on Elections sa mga LGU sang Kabankalan kag Himamaylan nga mahatagan konsiderasyon kag mabayaran ang honorarium sang yadtong nagserbe bilang support staff sang nagligad nga Barangay kag SK Elections.
Suno kay COMELEC Negros Island Region Executive Director, Atty Lionel Marco Castillano, isa sa iya nga marching orders gikan sa ila chairman amo nga mapangitaan sang pamaagi agudto mabayaran ang mga na-hire nga gikan sa DepEd nga nagserbe sang BSKE bilang support staff.
Sang October 2023 Elections nag hire ang COMELEC – Kabankalan sang 660 ka support staff kag ang COMELEC Himamaylan sang 221 ka support staff nga kuntani wala gina tugot sa BSKE.
Suno kay Castillano pero kay ini sila ang nag serbe na, luyag sang COMELEC nga mabayaran ang ila serbisyo.
Sa iya nga pagsugilanon kanday Kabankalan Mayor Benjie Miranda kag Himamaylan Mayor Raymund Tongson willing man sila nga magbayad pero may luyag man sila nga maklaruhan sa ila nga legal officers agudto malikawan man ang mahimo problema sa Commission on Audit kun ma disallow.
Nag pa gwa na ang Comelec Regional Law Department sang opinion bahin diri.
Ginalikawan sang COMELEC ang ano man nga problema nga masugat sa mga manunudlo labi na nga sila ang partners sa kada piniliay.
By hierarchy ang pag serbe para sa elections suno kay Castillano, kun indi ang public school teachers, masunod ang private school teachers kag ang national government agency employees.