Commission on Elections sa karon ang naga tutok sa pag finalize sang voters’ list kag sang clustering sang precincts.
Suno kay Provincial Elections Supervisor, Ian Lee Ananoria, nahuman na ang Election Registration Board hearing para sa yadtong mga nag pa rehistro sa ginpatigayon nga August 1 to 10 nga voter registration.
Apesar nga ginlagdaan na sang presidente ang pag postpone sang Barangay kag SK Elections, padayon ang pag panghanda sang COMELEC para sa BSKE nga damlag pa naka schedule sa bulan sang Disyembre, natungod nga may yara sang pending protest sa Korte Suprema.
Importante suno kay Ananoria ang pag finalize sang voter’s list kag clustering sang precincts bangud ini ang maga pat-od sang kadamuon sang Electoral Board nga maga serbe sa piniliay.
Sang automated elections may 1,000 ka botante sa isa ka clustered precinct.
Kay manual voting sa BSKE, 400 lamang ka mga botante ang yara sa isa ka clustered precinct.
Malakip na sa iga cluster man ang na aprobahan nga mga registered voters sang tinalikdan nga voter registration.
May team nga maga abot gikan sa Central Office nga maga check sang clustering sa September 10 to 16.
“Finalization sang voters’ list na siya kag clustering for the elections. Importante na siya nga stage subong kay amo na siya ma determine pila ka electoral board ang I compose, sin-o mga board of canvassers. Ma determine namon sin-o ma run sang elections”, suno kay Ananoria.
[sibwp_form id=1]