Sumugod kahapon nag-untat na sa pag baton ang mga talatapan sang Commission on Elections sa probinsya sang mga signature sheets angut sa gina duso nga Charter Change paagi sa People’s Initiative.
Suno kay Provincial Elections Supervisor, Ian Lee Ananoria, ini kasunod man sang mando nga nabaton nila gikan sa Comelec Manila.
Suno kay Ananoria, ang instruction nga nabaton nila naga siling nga ang damlag nabaton nga signature sheets i-preserve kag i-seal. 248,398 ka lagda ang tigayon nabaton sang Comelec-Negros Occidental.
“Ang instruction sa amon is to preserve and seal lang. Meaning taguon lang anay. I-secure lang anay, in the meantime, pending instructions. Beginning yesterday wala kami nagbaton”, suno kay Ananoria.
Damlag pa, ang Comelec en banc sa unanimous nga decision ang nag suspend sang anuman kag tanan nga proceedings angut sa people’s initiative.
Suno kay Commissioner George Garcia, kinahanglan sang review kag dugang nga provisions sa implementing rules and regulations ukon IRR sa people’s initiative para malikawan ang confusion ukon misinterpretation sang laye.
Gina tumod ni Garcia ang Comelec Resolution 10650 nga naga serbe nga IRR sang Republic Act No. 6735, ukon ang Initiative and Referendum Act.
Ginhimutig sang Comelec nga ang lihok may kaangtanan sa konplikto sa tunga sang duha ka chamber sang kongreso.