Sa pinaka una nga tion sa Negros Island Region ginpakita kun paano mag function ang automated counting machine nga amo ang paga gamiton sa mid-term elections.
Si Atty Dindo Maglasang ang Assistant Regional Director sang NIR COMELEC ang nagpatpat sa mga features sang ACM nga naga lakip sang 14 inch nga touch screen.
Naga kasayuran nga mas malapad ini sa gina gamit sadtong nag liligad nga piniliay.
Matapos nga ma feed ang balota, sarang ma check sang botante ang nabaton ukon nabasa nga boto sang machine sa sulod sang 20 segundos.
Sa voter’s receipt receptacle igabutang sang botante ang resibo sang iya nga boto.
Suno kay NIR COMELEC Regional Director Lionel Marco Castillano, mas advanced sa patag sang teknolohiya ang ACM karon.
Sang Sabado, ang demonstration ginsaksihan sang katapo sang media pero may natalana nga schedule sa kada banwa kag siudad kun sa diin sarang ini masaksihan sang mga bumuluto kag tanan nga stakeholders sa Disyembre tubtob Enero.
Gina duso sang COMELEC ang Full Automation System with Transparency and Audit/Count para sa 2025 nga piniliay.