Ang konseho sang Bacolod ang naghinyo na Commission on Elections nga magtalana sang separado nga venue para sa mga senior citizen, persons with disability lakip na mga may co-morbidity ilabi na karon nga pandemic para sa natalana nga May 9 elections.
Wala pa man mabaton sang Comelec Bacolod ang resolution, pero ginpahayag na ni Atty. Kathrina Trino-Cana nga humalin sang nagliligad nga pinili-ay, may mga emergency accessible polling places na nga ginatalana ang Commission on Elections sa mga polling areas para sa mga senior citizen kag mga persons with disability.
Ini magluwas sa mga priority lane nga ginatalana man sang comelec sa mga polling precincts kun diin sila nagaboto.
Namutikan man ang Comelec nga masami wala man ginagamit sang mga senior citizen kag mga PWD ang emergency accessible polling place bangud kadam-an sa ila ang nagapili nga mag-upod sa ila mga himata sa mga polling precincts.
Gindugang pa ni Cana nga sa pagpa-rehistro pa lang sang mga botante nga senior citizen kag PWD automati na ang paghatag sa ila sang konsiderasyon agud mapaiway ang ano man nga kabudlayan sa adlaw sang pinili-ay.
“Sometimes ang iban naton nga mga voters they opt nga maupod na lang sila sa kung sin-o to ang member sang family nga presinto kun diin na sila na-rehistro kay ti sa pag assign naton sang precinct as much as possible they same household bala ginabutang naton sa isa lang man ka pollice place. So, isa na siya sa mga consideration man nagakatabo,” suno kay Cana.