COMELEC nagapahanumdom sa mga kandidato nga mangin maid-id sa pagfile sang SOCE sa Comelec main office.
Nagdaug man ukon nagkalapierde nga kandidato ginakinahanglan mag-file sang ila Statement of Contributions and Expenditures ukon SOCE antes ukon sa gintalana nga deadline sa Hunyo 11.
Ginsiling ni COMELEC Bacolod Election Officer Atty. Revo Sorbito direkta nga iga-file sang mga kandidato ang SOCE sa Campaign Finance Department sang Comelec Main Office sa Manila.
Nagapati si Sorbito nga nahangpan na sang tagsa ka mga kandidato ang ila mga responsibilidad makaligad ang pinili-ay bangud ang kapaslawan sang pag-submit sang SOCE ang may penalidad nga sarang maglab-ot sa disqualification.
Ang overspending makabig nga isa ka election offense kabangdanan nga gina-usisa sang COMELEC ang kabilugan nga nagasto sang mga kandidato.
Wala ginapaabot ni Sorbito nga may mapasakaan sang kaso ilabi na sa bahin sang mga local candidates.
Gani nagapaandam siya sa mga kandidato nga mangin maid-id sa mga datus halin sa mga dokumento kag resibo sang ila gina-submit nga SOCE bangud strikto kag maid-id nga gina-usisa ini sang Finance Department.