Pre-mature pa ang magsiling nga bawion ang lagda para sa gina duso nga People’s Initiative.
Ini suno kay Elections Supervisor, Ian Lee Ananoria, nga nag siling man nga kun may yara man sang maga submit sang signature sheets sa COMELEC nga ang tinutuyo pagbawi sang ila nga lagda para sa ginaduso nga People’s Initiative, batunon ini sang COMELEC.
Paathag ni Ananoria, wala pa man sila sang tikang nga napatuman sa masobra 211,000 ka mga lagda nga nabaton sang ila talatapan para sa gina patihan charter change paagi sa People’s Initiative.
Wala sang may na file nga petition gani wala man sang order nga napapanaog sa ila.
Tubtob nga may mando na, amo pa ang ila nga pag patuman sang tikang para diri.
Mahimo nga kun may pormal na nga petition para sa People’s Initiative diri na maga sulod ang withdrawal sa tion nga maga patigayon naman sila sang verification sa mga pirma.
Samtang, ginahinyo ni Atty. Cesar Beloria nga amo ang naga pamuno sang kampanya sa pag withdraw sang mga lagda, nga magpatigayon sang imbestigasyon ang Comelec sa baklanay sang pirma sa signature campaign para sa Cha-Cha.
Sini nga semana suguran ni Beloria ang paglibot sa kabarangayan para sa luyag mag bawi sang ila nga pirma sa ginaduso people’s initiative.