Naka schedule ang satellite registration sang Comelec Bacolod sa tanan nga Biernes kag Sabado sa bulan sang Agosto.
Nalakip man diri ang August 30 nga holiday.
Ang satellite registration ang naka schedule sa nagkalain lain nga malls kag venue.
Suno kay Bacolod election officer, Atty Kathrina Trinio–Cana ginalauman nga ma-accommodate ang dugang nga mga registrants ilabi na nga nagahilapit naman ang katapusan sang registration schedule
nga natalana sa Setyembre 30 kag madamo sa gihapon ang naga pila.
Ginapasiguro naman ang sistema kun sa diin ang mismo tagdumalahan sang venue kag ang PNP ang magabulig agudto matuman ang minimum health protocols.
As of June 30, may 302, 168 ang registered voter ang siuad sang Bacolod.
Naga sobra sa 300 ang ma accommodate sang Comelec sa kada satelite registration.
Gin pa gwa naman sang Comelec Negros Occidental ang schedule sang satellite registration sa nagkalain lain naman nga mga lugar sa probinsya.