COMELEC kag Negros Power nagtukod sang kasugtanan para mapasiguro ang power supply para sa National and Local Elections sa Mayo 12.
Ang pagtalana sang 20 ka mga quick response team sang Negros Power sa pila ka mga strategic areas sa probinya ang kabahin sa nakasugtan upod sa Commission on Elections – Negros Occidental.
Ginpahayag sang tagdumalahan sang power distribution utility nga kabahin sa ila luyag mapasiguro nga mangin hilway sa power interruption kag tayuyon ang natalana automated National kag Local elections sa Mayo.
Ginkabig ni Bacolod Election Officer Atty. Revo Sorbito nga historic ang nahauna nga kasugtanan sang Negros Power kag COMELEC sa pagpasiguro sang pinili-ay.
Ang Negros Power ang nagpasalig man nga maga-install sang power generator sa canvassing area sang Comelec-Bacolod sa adlaw sang eleksyon.
Sa karon ginahingagaw sang utility firm nga matapos ang ginahimo nga inspection kag repair sang mga linya sang kuryente sa gwa sang mga polling centers sa probinsya.