Pagsunod sa Covid protocols ang gina pahanumdom sang bag-o nag pungko nga pamuno sang Comelec – Negros Occidental karon nga maga sugod na ang filing sang certificate of candidacy.
Ginpatpat ni Atty Ian Lee Ananoria ang bag-o nga acting, elections supervisor sang Comelec-Negros Occidental ang Covid-19 protocols base sa Comelec Resolution 10717.
Ang maga file sang COC ang sarang maka dala sang duha ka kaupod ukon escort. Duha lamang ka kandidato upod ang ila nga mga escort ang pwede nga makasulod dungan sa receiving area. Dapat sila ang naka mask kag naka face shield. Indi pwede ang cloth mask.
Na accomplish man dapat ang health declaration form. Kag dapat istrikto ang pagsunod sa physical distancing nga indi man nubo sa six feet.
Naga pahanumdom man ang Comelec nga dapat eksakto ang pag fill out sang COC kag certificate of nomination para mas mangin madasig. Ini ang dapat 5 copies, notarized ang mga lagda original kag may documentary stamp. Ang incomplete suno kay ananoria ang indi nila pagpabuton.
Plastado naman sa karon ang Social Hall sa Provincial Capitol kun sa diin patigayunon sang Comelec-Negros Occidental ang pagbaton sang iga file nga COC sumugod buas tubtob Oktubre 8.
Damlag pa ginsiling naman ni Negros Occidental Governor Eugenio Jose Lacson nga sa bahin sang love Negros kag UNEGA, mangin batch by batch ang filing sang COC sa pagsunod sa abiso sang Comelec.