Tubtob karon wala pa mapangkakas ang mga nalansang nga posters kag iban pa nga campaign materials sa mga puno sang kahoy sa Bangga Scala sa Barangay Estefania.
Siling ni Punong Barangay Jerry Tingson, indi niya luyag nga mamalisyahan kun aktohan niya ang mga iligal campaign materials nga wala sang mando gikan sa Comelec.
Suno kay Atty.Revo Sorbito, OIC sang Bacolod-Comelec, wala sila naga deputize sang barangay officials para sa mangakas sang illegal campaign materials.
Pero pwede maka coordinate ang barangay sa Department of Environment and Natural Resources office para maaksyunan ang pagkakas sang mga illegal campaign materials sa mga kahoy.