Sa Agosto 1 maga sugod ang napulo ka adlaw nga voter’s registration, angut sa Barangay kag SK Elections. Pahanumdom sang Commission on Elections sa mga wala maka rehistro nga kalitan ang amo nga tion.
August 1 to 10, Lunes tubtob Domingo ang voter’s registration.
Suno kay COMELEC Regional Director, Atty Lionel Marco Castillano, las 8 sang aga tubtob las 5 sang hapon ang registration, lakip na bisan pa ang holiday.
“Sana they would take advantage about it. Monitor lang po yung mga FB pages ng COMELEC sa inyong lugar kasi halimbawa sa ibang mga city nandun sila sa mga mall o kaya may mga off-site registration silang gagawin sa mga schools”, suno kay Castillano.
Paathag niya, registration para sa first time voter ang sarang mabaton sang COMELEC, kasubong man change of name and status, correction of entries, reactivation of Registration Records, Inclusion of Registration Record and Reinstatement of name in the list of voters, updating of records of PWD, Senior Citizen kasubong man members sang IP kag ICC.
Pwede man mabaton ang transfer gikan sa overseas padulong sa local voter.
Klaro ni Castillano, tungod sang kalip-ot sang panahon indi pwede mabaton ang transfer sang voter gikan sa isa ka barangay padulong sa lain nga barangay ukon gikan sa isa ka banwa padulong sa lain naman nga banwa.
“Any government issued ID. Hindi na po kami tumatanggap ng barangay certification o kaya company ID. Pag wala kayo talagang ID na government issued, pwede kayong magdala ng mag certify sa inyo, maybe registered voter na kasama nyo sa bahay, or close relative. Siya po mag – identify sa inyo na dun kayo nakatira sa lugar”, suno kay Castillano.
Sa December 1, naka schedule ang Barangay kag SK Elections.