Commission on Elections ang nagpahayag nga handa na ang tanan para sa gina paabot nga May 9 nga piniliay.
100 percent na nga na printa ang balota kag ginsugdan na sang Comelec Manila ang dispatch sang official ballots.
Suno kay Acting Elections Supervisor Roberto Salazar, mahimo sa ulihi nga semana sang abril ukon una nga semana sang mayo maga abot ini sa probinsya. Personal naman nga kuhaon sa mga designated pick-up points sang treasurer sang tagsa ka banwa kag siudad upod ang PNP.
Nag abot naman ang 2,906 ka mga vote counting machines sang nagligad nga Hwebes, pero ang contingency VCMs nga paga gamiton en kaso nga may mag bog down amo ang gina paabot pa.
Dugang pa ni Salazar, gin paidalom naman sa refresher course ang mga manunudlo lakip na ang paghatag man sang updates kag final instruction.
Kay wala naka hinyo sang authority damlag pa, patigayunon ang canvassing of votes sang probinsya sa Sangguniang Panlalawigan session hall tigaylo sa social hall sang Kapitolyo Probinsyal kun sa diin ginpatigayon ang mga nagliligad nga canvassing.
Naga pabilin ang pagpanghangkat sang Covid – 19 binsa pa mismo sa election day. May gintalana nga mga isolation polling places sa kun sa diin ang mga maga boto nga may temperatura nga mataas sa 37.5 degree celsius ang maga boto. Suno kay Salazar na plastar na ini tanan sandig sa pagsulundan.