Tubtob nga indi matigayon ang filing sang Certificate of Candidacy indi man mapat-od pa sang Commission on Elections ang mahimo highly contested areas sa sini nga Barangay kag SK Elections.
Suno kay Provincial Elections Supervisor Ian Lee Ananoria, tubtob nga indi man mapat-od ang mga personalidad nga maga papili indi man mahibaluan ang maga sumpunganay sa piniliay.
Sang nagligad nga semana sa bahin sang Armed Forces of the Philippines may 17 ka mga banwa kag siudad sang Negros Occidental ang gin tag bilang election watchlist areas.
Suno kay Lt Gen Benedict Arevalo ang commander sang AFP Visayas, ini ang kabahin sang ila nga initial list ka gina reassess kag iga validate samtang naga hilapit ang Barangay kag Sangguniang Kabataan Elections.
Nalakip sa Areas of Concern ang Don Salvador Benedicto. Areas of Immediate Concern naman ang Silay City, Victorias City, Toboso, Binalbagan, Himamaylan City, Kabankalan City, Hinoba-an, Sipalay City, Isabela, La Castellana, Calatrava, Ilog kag Cauayan. Sa Areas of Grave Concern naman ang Candoni, Moises Padilla kag Escalante City.
Suno kay Ananoria, una anay nga iga convene ang Joint Peace and Security Coordinating Council kag amo ang pagtalakay sang mga election watchlist areas.
Samtang, kay wala pa man sang pagsulundan para sa maabot nga piniliay, ang mga maga papili para sa BSKE ligwa nga makapatuman sang mga kaugalingon nga hilikuton nga ayhan maka bulig tib-ong sang ila mga exposure sa publiko.
“One of our determining factors is sin-ong mga kandidato. So waay pa man filing of candidacy. So we will wait pa until may ara kami mga candidates bala nga ma determine namon kun whether or not hotly contested ang isa ka barangay”, suno kay Ananoria.