Halos mag-awas na sa truck ang mga ginpangkakas nga mga illegally posted campaign posters sang katapo sang Task Force Baklas sang ila gin-usoy ang dalan Araneta sakop sang Barangay Tangub sa Bacolod kaina sang aga.
Suno kay acting Comelec-Bacolod officer Atty. Revo Sorbito, nagapakita nga madamo sa gihapon sang mga kandidato kag ila mga supporters ang wala nagasunod sa Fair Elections Act.
Ginsiling man ni Sorbito nga bisan may gintalana na nga common poster areas para sa mga campaign materials, madamo man sa mga kandidato kag mga suporters ang nagapangita sang paagi agud makapamentaha paagi sa pagpost sang oversized campaign materials sa mga private property, nalakip diri ang pag-gamit sang billboard.
Dugang pa ni Sorbito nga nakahanda man sila maghatag sang legal assistance sa katapo sang task force nga kun mapasakaan sang reklamo sa ila pagpatuman sang layi.