Luyag sang Commission on Elections ipasiguro nga madayon gid ang piniliay sa adlaw mismo sang eleksyon sa mga Kanlaon affected areas.
Suno kay Regional Director, Lionel Marco Castillano, sa ila nga pagsapol sa kay COMELEC Chairperson, George Erwin Garcia, ang marching order amo nga iplastar ang tanan agudto nga mapasiguro nga madayon ang piniliay mismo sa May 12 sa mga lugar nga apektado sang Kanlaon Volcano activity.
Paathag ni Castillano, ang ano man nga delay sa piniliay ang maga apekto sa canvassing sang piniliay para sa senador kag partylist.
Sa Enero 11 maga convene ang Regional Joint Security Control Center upod ang Office of the Civil Defense kag ang contingency labi na kun maglupok ang bulkan Kanlaon ang talakayon.
Isa sa mga plano sang COMELEC amo nga patigayunon mismo ang piniliay sa mga lugar kun sa diin yadto ang mga evacuees.
Samtang, wala sa gihapon sang may na appoint nga Police Regional Office Director para sa NIR.
Kag temporaryo nga maga pungko diri amo si General Rogelio Simon ang Executive Officer sang Area Police Command sang Visayas suno kay Castillano.
“Ang gusto ng chairman namin prepared kami. Para in case talagang pag pumutok si Kanlaon maka pag election pa rin kami. Hindi kailangan i-postpone ang election. Kasi ang ano ni chairman, ma apektuhan kasi yung pag proclaim ng winning candidates sa senado at partylist sa National Board of Canvassers. Ayaw namin na ma delay yung pag proklama ng National Board of Canvassers”.