Shadow

COMELEC-Bacolod padayon nagahaylo sa publiko nga mag pa rehistro na

Commission on Elections – Bacolod ang naga haylo sa publiko nga mag pa rehistro na kag kalitan ang ini nga tion para malikwan na ang pag ginutok sa ulihi nga mga inadlaw sang voter’s registration.

Sa litrato nga gin-release sang Office of the Election Officer – Bacolod, mga las 9:30 kaina sang aga, tuman ka diutay ang nag padulong sa satellite registration sini sa third floor, north wing sang SM City Bacolod.

Ang mga pulungkuan nga gin talana para sa mga maga pa rehistro kag mga may transaction sa Comelec ang bakante.

Gina panawagan ang publiko nga mag pa rehistro na.  Ang satellite registration sa SM City Bacolod ang tubtob sa Enero 19.

Samtang, sa record sang Comelec – Negros Occidental, nag lab-ot sa 23,990 sa bilog nga probinsya ang nag apply for registration humalin December 12 tubtob January 14.

7,651 diri ang sa Bacolod. Tubtob sa Enero 31 ang voter’s registration.

Secured By miniOrangeSecured By miniOrange