Sumugod sa Agosto 23 tubtob Setyembre 30, mangin 8am na tubtob 7pm ang voter’s registration.
Suno kay Provincial Comelec Supervisor, Atty Fatima Aspan, Lunes tubtob Biernes ang 8am tubtob 7 pm nga schedule kag sa kada Sabado naman 8am tubtob 5pm.
Ang satellite registration. Kun wala naman sang satellite registration sa Sabado ang registration patigayunon sa kada talatapan sang Comelec.
Pero sa bahin sang Bacolod Comelec naman, ang 8am to 7pm nga schedule ang maga sugod sa setyembre uno na.
Suno kay elections officer, Atty Kathrina Trinio-Cana, sa Agosto 30 pa maga balik report ang mga personel sang comelec nga karon naka quarantine pa matapos may tatlo sa ila nga nagpositibo sa Covid-19. Naka schedule sa Agosto 30, ang satellite registration sa SM Mall kag tungod nga na-cancel man ang sa La Salle, iga schedule man ini sa Agosto 31.
Ang mga na cancel nga satellite registration sang tion nga wala sang opisina ang Comelec Bacolod iga schedule liwat.
Ginalauman nga mas madamo ang ma accommodate sa extended registration hours. Pero may pahanumdom naman si trinio-cana sa mga maga pa rehistro.
“Ma start kami registration sa office sa September 1. Until 7pm, but of course if ang registration is until 7pm , it doesn’t mean ang aplikante makadto man by 7pm. Kay because may mga procedure pa kita nga ginahimo. The same with previous natun nga schedule, kun 8 to 5, it doesn’t mean man nga 5 o clock man sila makadto sa opisina,” suno kay Trinio-Cana .