Ginkawatan na, ginkastigo pa sang tatlo ka persona ang lending collector nga si Gerald Estroche sa Purok Talong, Brgy. Malingin sa Bago City sang Martes.
Sa report sang Bago PNP, nagasakay ang biktima sa iya nga motorsiklo ang hinali na lang ginlampusan sang kawayan.
Sang natumba ang biktima ginkastigo siya sang mga suspek kag ginkuha ang iya cellphone kag P4,000 nga cash.
Gilayon man nga nadakpan sang Bago PNP ang mga suspek nga sanday Joshua Getino, Mardin Sahol, kag Neil Labrilla.
Depende na sa biktima kun magapasaka siya sang kaso batuk sa mga suspek.