Gin-relieve na sa pwesto si Col Rainerio de Chavez bilang provincial PNP Director sang Negros Occidental.
Si Col Dennis Wenceslao naman nga taga Nueve Ecija ang maga bulos sa iya.
Ini suno kay Negros Occidental Governor Eugenio Jose Lacson nag nagpahayag sa katapo sang media nga iya personal nga ginpili si Wenceslao, kaangay sang kinaandan nga proseso.
Si Wenceslao ang nagserbe hepe sang Regional Investigation and Detective Management Division sang Police Regional Office – Negros Island Region.
Pero as of press time suno sa PRO – NIR PIO, Lt Col Joem Malong wala pa sila sang orders nga nabaton.
Suno sa gobernador, sa Criminal Investigation and Detection Group iga assign si de Chavez.
Suno kay de Chavez effective subong nga adlaw ang iya nga relief order.
Kabahin man ini sa iya nga career advancement suno sa iya.
Ginsiling ni Lacson nga wala siya sang reklamo kay de Chavez sa iya nga pag serbisyo sa probinsya.
Yari man ini pirmi sa ano man nga kinahanglanon.
Luyag naman ni Lacson nga tutukan sang bag-o nga maga pungko nga Provincial Director ang peace and order sa probinsya.