Sarang na maka download sang Certificates of Candidacy forms ang yadtong luyag magpapili para sa barangay kag Sangguniang Kabataan Elections sa Oktubre.
Suno kay Provincial Elections Supervisor, Ian Lee Ananoria, ang mga forms ang pwede nga ma download gikan sa Comelec website.
Ang COC forms humalin sa Punong Barangay, Sangguniang Barangay Members, SK chairperson kag council members ang pwede ma download.
Pero klaro ni Ananoria, ang pag submit sang na fill out nga mga pormas ang dapat in-person.
Dugang pa ni Ananoria ang Bacolod Comelec ang maga bukas sang booth sa mall para mag baton sang filing sang COC gikan sa yadtong luyag magpapili gikan sa 61 ka mga barangay sa Bacolod.
Ang iban nga banwa kag siudad sa probinsya ang nagsiling man suno kay Ananoria nga sila ang maga bukas sang sattelite station agudto mag baton man sang COC nga iga file.
Agosto 28 tubtob Setyembre 3 ang filing sang COC. Ang campaign period naman October 19 tubtob 28 kag ang piniliay sa Oktubre 30.