Coastal kag upland housing project igatukod sa Victorias City upod sa Department of Human Settlement and Urban Development para sa mga informal settlers.
May 6,000 ka housing units ang plano nga itukod sang local government unit sang Victorias upod sa Department of Human Settlements and Urban Development.
Suno kay Mayor Javi Benitez mangin prayoridad nila ang mga informal settlers nga nagapuyo sa ginakabig danger zones sa kilid sang baybay sa Barangay VI A.
Plano man sang siudad nga makapatukod sang housing units sa Barangay Gawahon agud man mabuhinan ang mga nagapuyo sa sulod protected area sang Northern Negros Natural Park nga nasakpan sang Victorias.
Dugang pa nga housing units ang itukod sa Barangay 13 kun diin ginalauman matukod ang new government center sang siudad.
Indi libre ang housing program gani ginatinguhaan man sang LGU nga mapanubo kag mapalawig pa ang terms of payment para sa mangin benepisyaryo.