Mga close contact sang mga nag positibo sa Covid 19 ang iga subject sa rapid antigen testing.
Suno kay Provincial Administrator Rayfrando Diaz ini ang tikang sang probinsya agudto masabat ang gina lantaw nila nga gap sa tunga sang pag pat-od sang nagpositibo sa virus kag sa pag contact trace kag pag paidalom sa testing sang ila nga mga nangin close contact.
Na kit-an sang probinsya nga may kahinay sa mga local government units sa bahin sa pag contact trace kag pag test sang mga close contact nga dapat gina patuman gilayon sa tion nga mabal-an na ang positive result.
Suno kay Diaz ini paga sugdan sini nga Biernes ukon Sabado. May pahanugot na ini sa DOH. Hatagan sang antigen kits ang top ten ka mga LGU. Ang sin-o man nga mag positibo sa rapid antigen test ang iga paidalom sa quarantine.
Maga pa gwa man ang probinsya sang guidelines diri. Hatagan man sang antigen kits ang mga hospital nga paga gamiton sa mga emergency cases kasubong sang mga vehicular accident cases.