Mga close contact sang Covid-19 positive dapat magpabilin sa isolation sa adlaw sang pinili ay suno sa opisyal sang Emergency Operations Center.
Suno kay Dr. Cris Sorongon, deputy for medical data and analysis sang Emergency Operations Center, dapat mag isolate ang mga close contact sang Covid-19 positive sa baylo nga mag gwa pa sa ila puluy an ukon sa mga quarantine facility para mag boto sa May 9 elections.
Ginakinahanglan gihapon mag quarantine sa sulod sang 14 days ang mga close contact sang mga Covid-19 positive ilabi na kun sila ang symptomatic kag unvaccinated.
Dako nga pagpanghangkat para kay Sorongon ang natalana nga election day ilabi na karon nga pandemic. Gani dapat ipasulabi ang ikaayong lawas kag ang public safety.
Nangabay man siya sa mga botante nga mag sunod sa ginapatuman nga health protocol kag dapat magpabakuna ukon magpabooster dose agud mas mapangapinan ang kaugalingon kontra sa virus.