City Legal Office gina-usisa kun may salabton ang tag iya sang talyer nga nag-operate sa anay SK office sa Brgy 16 sa Bacolod
Nahawanan na ang anay Sangguniang Kabataan Office sa Barangay 16 sa Bacolod nga nahimo nga talyer makaligad nga gin-issuehan sang notice to vacate sang katapo sang City Legal Office enforcement team sang nagligad nga semana.
Pero suno kay City Legal Officer Karol Joseph Chiu usisaon nila kun ngaa naka-operate ang talyer sa sulod sang government facility kag kun ano ang mangin salabton sin isa pag-gamit sang pasilidad.
Pila pa ka mga tag-iya sang illegal structures nga nagasablag sa kilid sang Bag-ong Dalan halin sa Barangay 14 pakadto sa Barangay 35 ang gintagaan sang lima ka adlaw para makakas ang extension sang ila balay ukon baligyaan.
Maga-issue man sang notice of violation ang siudad batuk sa mga tag-iya sang illegal structures pati na mga salakyan, tricycle kag trisikad nga nakabig obstruction sa alagyan.
Ginabulubanta malapit 200 ka mga apektado ang sarang maapektuhan sang ipatuman nga clearing operation.