Clearing operation sa mga merkado natalana ipatuman sang enforcement team sa katapusan sang Hunyo.
Ginsapul na sang City Legal Office ang enforcement team nga ginalakipan sang katapo sang local market committee kag kapulisan para sa natalana nga clearing operation sa mga merkado sang siudad antes matapos ang Hunyo.
Suno kay City Legal Officer Romeo Carlos Ting, Jr., ginahulat na lamang nila nga matapos ang pag raffle sang nabilin nga 34 ka mga stalls sa annex building sang Libertad Market antes suguran ang pagpahalin sang mga nagaladlad sang baligya sa gwa sang merkado.
Ang konseho sang siudad ang nagaplano nga magtalana sang night market sa dalan Amelia kag Mercedes para sa indi maka angkon sang pwesto sa merkado.
Nagligad lang man nga semana sang nagpatigayon sang clearing operation ang enforcement team sa Capitol Lagoon batuk sa mga sidewalk vendors.
Sunod man nila nga limpyuhan ang Bacolod Public Plaza para sa ginaplano sang siudad nga pag-rehabilitate sang lugar.